D'o Marchese Nicola Lecaldano Sasso la Terza se sape poco e nniente. Pecché quanno 'o 1914, nascette Linda 'e nostre mamma e nonna, isso era già muorto. Comme a tutte 'e signure e chell'epoca, sapeva campà buono. Teneva n'ata casa a Villanova, «Villa Paradisiello di Posillipo», addó se nne jeva cu'ttutta 'a famiglia, 'e cammariere e 'e nnutricce, da 'e primme 'e maggio fino a mmità ottobbre, pecché diceva ca llà ll'aria era bona.

Lle piaceva 'e viaggià e de canoscere o munno. Giraje tutta ll'Europa e arrivaje pure all'India e 'o Giappone. Da llà, cu 'nu vapore mannaje a Napule certi ppurcellane d'a Dinastia Ming, c'ancora mò, doppo cientevint'anne stanne int'e ccase d'e pronipote suoje. 'A fine 'e ll'Ottuciento, mentre stevano facenno 'e scave 'e Pumpei , cacciaje e sòrde pe custruì le Officine di Arti Grafiche del Cav. Cinquegrana, ca faceva 'e stampe 'e ll'affresche e d'e musaice ch'asceveno d'e scave . St'officina steva a vico Rosario di Palazzo 25, a dduje passe dall'albergo nuosto. 'O ritratto 'e isso ncoppa 'o vapore stà nt'a stanza e don Nicola, 'a nummero 108.
Le piacevano 'e belli ffemmene, e vvarche a vela, e ancora mò int'e circole s'o ricordeno pecché era 'nu capo jucatore 'e tressette e scupone.

• WiFi gratuito
• Aria condizionata
• Riscaldamento
• Telefono
• Minibar
• Cassaforte
• TV LCD
• Prodotti da bagno
• Pantofole
• Sveglia Telefonica
• Vasca Jacuzzi
• Asciugacapelli